系office做嘢有一个最大嘅弊病……就系无论你有几咁“田”字型嘅腹肌……都会系数星期之内变成一个甚至更多嘅车胎……有鉴于我本来就已经系单车胎……所以我系三个几月前就已经花费2000大元做咗屋企隔离total fitness嘅member……致力将身材打造成钢条型……（何谓钢条型，请参考系我心目中浩气长存嘅已故武术大师李小龙或者NBA最全能嘅大前锋Kevin Garnett, 中文奇云·加列治或者凯文·加内特……见下图）

而经过呢三个月嘅苦练……我发觉我脑筋聪明咗，身材大只咗，身体倍儿棒，吃嘛嘛香……但系……我嘅目标“田”字腹肌非但达唔到，而且单车胎已经变成电单车胎……又见某friend冇join任何gym club净系系屋企俯卧撑同仰卧起坐都已经练到好似屙拍文（注：变形金刚博派首领）咁嘅胸肌同腹肌……我心理系异常嘅唔平衡……对于我呢种经济型选手……我点都要将2000蚊嘅价值体现出来！

于是我去咗gym房揾所谓嘅健身教练……讲老实阿教练好听d可以用虎背熊腰来形容，难听嘅话就系K型……练到好似猩猩王咁点沟女啊……不过为咗凸显我两千蚊嘅价值……我觉得揾人指导下我系非常有必要……经过一轮咩体能测验脂肪测验之后……阿教练讲俾我听……你骨格精奇，天灵盖喷灵光，绝对系可塑之才……见同你咁有缘……就帮你整个plan……分成三期一期两个月……每个月唔系好贵……两千蚊全包……哗……呢个价钱真系好过去抢……于是……我断然拒绝咗佢…… 

好在……唔系所有人都系咁拜金……例如打泰拳就唔使钱……仲要系正宗泰国叔叔教……真系值回票价……呢项运动最吸引我嘅地方在于……你真系可以用尽全力咁打个教练……完全唔使俾面……系呢个充满竞争同压力嘅社会……有人任打唔嬲俾你发泄仲唔使收钱……呢种好事去边度揾……因此各位有兴趣做gym嘅朋友……强烈推荐你去打泰拳……因为果度只有你打人，冇人打你……

END

PS. 有冇人有兴趣去游水……请同我联系……