姓名：勃勃（寓意生机勃勃，但系其实佢feel唔到自己叫咩名）

性别：公

颜色：白

年龄不详，系我屋企就3个月。

个性：活泼好动又胆小怕事。

优点：爱清洁，冇体味，好养，唔会周街大小便，最关键系吃嘅嘢够平，30蚊一个月有找，经济实惠。实在冇嘢食，佢仲会系你屋企揾小强出来吃，真系一举两得。

缺点：

1. 由于过于活泼，此猫令到我屋企损失：名贵台式钟一个，价值150蚊；碟n个，价值应该都有100蚊；名贵药材若干，价值1xxx蚊。

2. 由于本人不慎踩到猫尾，致使此猫咬到本人手指因而见红，迫于无奈去打咗个狂犬病套餐，一个七七四十九支针，价值398蚊人民币，为期一个月，期间唔可以吃牛肉，唔可以吃辣，唔可以饮酒。由于本人肉类基本只吃牛肉，又非常中意吃辣，饮酒更系家常便饭，系呢个月里面破戒无数，极可能打咗都系白打，真系lum起就伤心。

不过，总体来讲呢只猫优点多过缺点，可以带俾你无限欢乐。然而我屋企系双职工，又冇老人，因此呢只猫大部分时间都系只影形单，孤独度过，对佢嘅成长有极其负面嘅影响。所以，睇下边位有心人有兴趣同能力俾一个温暖嘅家庭佢……

上图。

有兴趣嘅就同我联系啦～送货上门～

最后希望四川地震嘅受灾同胞平平安安～！