3月3号落咗一场雪……可惜冇点意识到其重要性……等佢融咗先追悔莫及……不过……可能由于我人品比较好嘅关系……12号有整咗场仲猛过上次嘅……补翻我条数……所以今次决定训身……！于是就训系雪地度影相……

你睇我冻到手都青埋……真系阴功……

 

雪白无暇嘅雪地使我创作嘅灵感源源不断咁涌出来……因此我积极挥毫……写出我最常用嘅字献俾大家……

你睇我冰天雪地短袖人拖咁……就知我几有诚意啦……

 

不过始终都系有遗憾……搵唔到同好同我做我一直都好向往嘅事……打雪仗……也冇人指导我如何堆雪人……真系遗憾……冇办法唯有搵个现成嘅合影留下念……

呢个雪人制作精美童叟无欺……本身仲有围巾镬铲之类嘅配件……可惜摆咗几个钟可能俾人撘咗……嘴都细埋……本身3个红椒净翻一个……可能唔够餸摞咗去炒吧……

 

有翻咁样一场雪……先比较似样……如果唔系……可能就要对uk彻底失望了……

今日同人讲起狗呢个话题……不由得lum起系我生活中曾经出现过嘅4只狗……虽然全部都唔系我养嘅……但系话晒都有翻咁上下感情……应该写d野来纪念下嘅……

 

话说呢d狗全部都系由我嘅f所养……养嘅地点系深大宿舍……其实……客观讲句……我觉得大学生养狗……真系堕落嘅象征……从呢个侧面可以反映到……深大其实系一所腐化嘅大学……whatever……有狗唔使我俾钱同花心机养……净系玩就得喇……何乐而不为咧……更重要嘅一点系……狗……更系系学校沟女嘅利器……只要你拖住只唔系太丑嘅狗系学校散步……d女自然而然就会涌埋来……使人油然产生一种莫名嘅自豪感……可惜当年俾人严密监控……浪费咗呢d大好机会……

 

以下落来就应该介绍下d狗喇……

 

第一只出场系佢：

 

佢叫花花……由我隔离房嘅小妮子所养……至于佢嘅品种……不详……起初传说系博美……后来d毛越甩越劲……块面越来越长……个样越来越似只鹿……因此被怀疑系长毛吉娃娃冒充博美……即系流嘅……此狗印象中比较文静同比较乖……唔会乱吠……不过好似性欲比较强……细细个就起Q……于是佢妈就买咗个小白兔公仔俾佢……即系性伴侣……从此佢就日日勤于练习……可惜……好景不长……某夜佢妈点几钟落楼散步（咁夜散步，非奸即盗）……忽然斜刺里冲出一只某村民养嘅大黑狗……一啖叼走咗可怜嘅花花……几经辛苦搵翻佢嘅时候……花花已经去咗卖咸鸭蛋……第二晚深夜4点几嘅时间……我地鼠咗去桂庙篮球场……系草地到掘咗个窿（半夜掘窿，掘完就松）……埋葬咗英年早逝嘅花花……当时嘅情景真系白头人送黑头人……无比凄凉……

 

第二只：

p.s.（唔好问我点解都系该名女子用同样pose同狗影相）

系经历咗花花升天嘅阵痛嘅一星期后……小妮子同学为咗治疗心中嘅创伤……买咗一只同花花有9成相似嘅狗仔……取名叫毛毛……系一只真正嘅博美……从此……毛毛完全取代咗花花嘅地位（我不由得感叹……真系世态炎凉）……客观讲……毛毛比花花更可爱更有灵性……活泼好动……经常性系屋里面狂奔……不过……毛毛嘅生活就比较凄惨……佢妈由于上班嘅关系……白天就将佢放系个笼里面……压抑咗成日……狂奔下都好正常……佢仲有一个显著嘅特点……就系恶……当佢同另一只狗相遇嘅时候……无论对方几咁大只……佢都一于上前骚扰……搞都对方极其无奈……值得庆贺嘅系……该狗目前仲健在……仲要变到好靓仔……因此更加窜……

 

 

第三只……

佢叫旺才……从细俾文学院廣告系嘅一班禽兽养大……后来狗主要返工……所以转手俾我宿舍同房养……此狗极具灵性……当佢要屙尿或者散步嘅时候……佢会向你作揖要你带佢出去……每当佢使出呢招……我都顶唔顺……实在太Q喇……只能够带去落楼狂奔……因此……各位深大嘅校友……如果你见到一个人同一只狗系05年4 、5、6月份之间嘅傍晚系科学楼后面嘅草地上狂奔嘅话……冇错……佢地就系我同旺才……呢只狗多才多艺……见到湖会自动跳落去游水……不过……佢都有缺点……就系胆劲细……每当佢见到毛毛嘅时候……一定会俾佢打到落花流水……

而家佢咩景况……我就唔知喇……传说俾人送咗落乡下……人地搵狗乸帮佢打种……佢竟然唔识上……可能系因为细个嘅时候听讲俾班廣告佬吊起来弹jj……搞到而家冇能力……真系冇人性咯……

 

第四只……

嗯……呢只相对来讲冇咁熟……系我楼下师弟养嘅……叫乖乖……佢最大嘅特点系……得3只脚……传说系买果时买主冇睇清楚……翻到屋企先发觉买咗只独臂狗……于是送俾我师弟养……由于佢系3只脚（冇咗一只前脚）……导致另外一只前爪异常强壮……犹如麒麟臂一样……虽然佢少咗只脚……但系动作一样好灵活……经常行从住嘅3楼走上8楼同另外一只沙皮狗幽会……师弟也都因为呢只狗而大受女性欢迎……可惜欢乐嘅时光过得特别快……系我毕业之前……乖乖身染恶疾……最终都逃唔过病魔嘅魔爪……真系可怜……

 

最后整多讲毛毛sm旺才同我同旺才嘅毕业相……呵呵～