翻到来经已大半个月……最大嘅感受就系亲切……虽然呢度嘅人随地吐痰乱过马路～虽然银记d阿婶服务态度依然系咁差～虽然呢度d车打横来行乱咁插～虽然呢度嘅天永远都系灰朦朦不见阳光……但系……呢种感觉先系我最熟悉嘅……当然啦……如果上述各种情况可以得到改善咁就真系perfect喇……

 

翻来之后辗转过4个城市……广州深圳上海湛江……使我印象最深嘅唔系祖国日新月异嘅社会主义建设成就——而系股票同基金! 所到之处无人不谈论呢两样野……而且个个pro到非常……大条道理滔滔不绝咁涌出来……我系隔离就mark大个口得窿……大家一夜暴富嘅种种事实～深深咁打动咗我呢个稳健型嘅定期存款小王子……于是我决定攞出从小学就开始存嘅老底……要系基金同股票嘅海洋之中驰骋～不过就系今日去证券交易所开户之际……见到股票报价一片绿～翻到屋企先知今日系历史性嘅股票跌到扑街日……想起交易所内众多阿婆阿伯欲哭无泪嘅失落表情……一种人生如梦嘅感觉油然而生……不过唔惊～或者系个天feel到我要炒股……创造一个衬低吸纳嘅绝好机会俾我～哈哈哈～

 

今年～我要做暴发户～！