众多朋友向我反映……“我看不懂你的space”……噢……想不到方言成了我们心灵沟通的障碍……一切只怪我写作水平实在低下……只能用很生活化的语言去表达我的意思……偏偏我的语言是很有地方色彩的广东话……

 

不过……没关系……这篇blog旨在让大家学到基本广东话……要学广东话……首先就要从看开始……因为……了解了广东话那些奇形怪状的字……要说就不成问题了……

好～开波：

 

首先从最常用的代词，副词等等入手……

系＝是、在     佢＝他    呢＝这    咁＝这样、那样    d＝些、一些、一点   

嘅＝的    点＝怎样    咗＝了   唔＝不    冇＝没有    而家＝现在   乜＝什么    野＝东西    点解＝为什么    屳＝全部    劲＝厉害、很     睇＝看     俾＝给    系米＝是不是    仲＝还     住＝着    边度＝哪里    lum＝想    呃＝骗     几＝多、多少    行＝走    大佬＝老大

 

有了这些基本词汇……应该可以读懂我写的东西了……

 

以下用我日常用语来举例……

如”沙煲咁大个拳头点练噶～？“ 其实就是“沙煲那么大的拳头怎么练的～？”噶是语气助词……可以忽略……

又如“大佬～俾条生路行下啦”＝老大～给条生路走下吧

 

为了加深各位同学的印象……我翻译一下以前写的blog对照一下……

 

it's a really tough week....平均一日上56个钟课……上足六日……仲要一上就上5个钟嘅马拉松式课程……对于我呢种活泼好动嘅年轻人来讲……简直系度日如年……下个星期嘅课也都差唔多……不过到3月嘅课就少得可怜……大多数课程都堆系2月上完……开始觉得st andrews真系劲呃钱……其实……英国佬呃中国人钱就众所周知噶喇……系本地同eu学生学费嘅两倍……不过你呃都呃得有品d……唔好将屳家课程都好似填鸭咁塞比我先得噶……人吃得多都会滞……何况读书……

 

好……呢期继续讲下漫画……搞笑＋抵死＋校园就系我最中意嘅题材……

其中之一嘅代表作就系……GTO：

 

鬼塚英吉，22岁，单身，9流大学毕业，以前捞暴走族即系飞车党出身……外表放荡不羁……极度猥亵（见上图）……GTO好睇嘅地方就在于……用d骑呢人物去做一d完全同佢冇关嘅职业……鬼塚鬼使神差走咗去做老师……呢种组合肯定擦出唔少火花……即便系做老师……也都改唔到佢嘅陋习……例如：偷生物室人体模型玩cosplay……偷学校电话线，电，同水……用学校会堂大银幕玩ps2（可惜岩岩玩部机就俾水淋湿爆咗）……系学校打飞机俾若干女老师女学生撞见……偷窥女学生等等……如不胜数……如果系现实……早俾人炒咗几十世……偏偏就有学校嘅理事长做佢后台……点解……因为佢有特殊嘅魅力……

虽然系d小节方面唔似老师……不过佢以身作则教学生人应该系点做……就系有镬自己咩……即系做一个有责任感嘅人……使无数不良学生甚至老师重新走上正轨……不过剧情都后面就有少少重复……向住一个模式发展……d学生（老师）一个比一个激……放火烧学校咩都有……最后都系比鬼塚嘅力量同真诚所感动……

whatever……呢种咁猥琐同搞笑嘅漫画……始终都系我嘅最爱……

今日讲下我少数嘅爱好之一……漫画……可能有人会话”你两张几野老练咁大仲睇漫画～肤浅咗d啵“……其实漫画都有好多种嘅……可以市场细分……典型就系针对唔同嘅年龄层次……低b嘅有如花仙子，美少女战士（对低b漫画唔了解……举唔到例子……）有面向女性嘅（例子一打～无谓举）……有针对男性嘅（例子也一打）……更有针对成人嘅……唔好唔会……呢个成人系只成熟嘅人……即系可以理解到漫画内容同埋其中比较深一层嘅意思……例如EVA，寄生兽之类……总之……我个人认为……睇漫画同年龄系冇乜关系嘅……

 

至于我中意漫画类型～就梗系少年漫画喇……我从心底里面觉得……少女漫画就系落来呃靓妹……画风差唔多……最大特点系个个人块面尖到插死人……以前睇过《天使禁猎区》……睇咗3分1就已经冇晒激情……一句话就系唔知佢讲乜春……更有甚者就系bl漫画……完全系为咗满足唔知少女嘅欲望而创作……我睇过最离谱嘅系4仔bl同人流川枫同仙道xx……格仔都唔打下……睇到我当场晕系度……从此……我对bl漫画深恶痛绝……

 

讲住咁多先……下回再分解……

 

 

由于一直冇网上嘅关系……一直唔可以写blog……所以年初n先同大家讲声新年快乐……狗年到喇……各位犯太岁嘅朋友……记住要着红底阿……要鲜红果只……如果唔系……会俾雷劈噶～哈哈哈……

系外国过新年都冇乜气氛……尤其系系st andrews呢个乡下……所以我决定到英国城市排名第3同第4嘅manchester同sheffield过新年……（注：呢个排名唔代表我嘅意见～当地人自封嘅……）并由自称f6成员嘅3位高中同学接待……度过咗呢个充实而又贫扑嘅春节……

首先系食嘅方面应该不枉此行……曼城嘅早茶（实际上系中午开波）就正到冇需多讲……其次系年30晚嘅火锅……吃咗半年以来都未吃过嘅蟹……仲有阿echo同学请……真系冇得顶……最关键嘅系住家菜……连食两日糖水……由于女同学嘅某种需要……第一晚食嘅系红枣杞子仲有一样唔记得咗糖水……食到我体内真气流动……功力大增……差d流鼻血……第二日去到曼城仲好招呼……有龙眼肉竹仲有一样唔记得咗褒猪骨……食到我人挡杀人……佛挡杀佛……

年28晚曼大仲有新年party……呢个所谓party就系大食会……个point系中国新年关鬼佬x事……d鬼佬无耻咁涌如来围住晒张台……旯都冇一条……最后只能够呃几只假vodka走人……

年初一去咗sheffield附近嘅国家公园peak district……传说傲慢与偏见系呢度拍……可惜我冇乜内涵……冇睇过呢d咁经典嘅戏……所以冇乜感情……至于个景……客观讲就同st andrews一样……乡下……一街都系田……仲有猪马牛羊……真系小喇叭……无论点都好……行咗成日起码有益健康……长下见识……

讲完……去相……