虽然有d迟……但系都系同大家讲声……新年进步……想点就点……

 

呢期个个blog都系总结05年搞咗d乜……06又想做d乜……睇到我有d滞……如果要我总结……就系4个字……毕业！出国！……如果要我展望未来……我都系4个字……毕业！回国！……有时我都好钦敬你地……可以将给个字拓展成千几字来讲……真系冇得顶……

 

入翻正题……个trip前后12日……包括paris同london……首先讲下paris………一个字……雕……比london仲要雕……市中心嘅建筑物求其搵一栋摆系中国都可以变景点……最出名果几栋建筑比如卢浮宫、巴黎圣母院之类就更加唔使讲……雕到出汁……不过建筑雕系一回事……关键系d人更雕……真系刁民……法国佬大部分唔识讲英文……去到餐厅落order……我同佢讲英文……佢一堆法文涌埋来……完全系鸡同鸭讲……好在我body language异常出色……一目了然……先至唔使饿死……更刁嘅系……有d人明明识英文……佢偏偏就同你讲……i dont speak english……听到我口都大埋……

 

今次最大感触就系……去d咁有文化底蕴嘅地方……首先要做好功课……读多书先好去……比如第二日我地路过一个非常哥德式嘅教堂……隔离阿泰国就嗌notre dame～～哦……原来呢栋野叫notre dame……之后入去转两转……影d相就走人……结果翻去一查……先知notre dame系巴黎圣母院……我屌……系果个moment……我深深感觉到……冇文化嘅话睇咗都等于白睇……

 

另外一个感触就系卢浮宫真系唔系一般嘅大……走马观花咁睇……一日都睇唔晒全部……传说要认真睇完6万几件文物要5日……可惜一来我无文化……除咗卢浮3宝之外我知之甚少……二来连英文解释都冇……想睇都睇唔明……真失败……

 

系champs elysees吃咗我呢世仔由我自己俾钱嘅最贵一餐……41 euro……人民币400……先吃咗个头盘同块排……关键系……仲要味道麻麻～！真系欲哭无泪……果间仲要系传说成条champs elysees最有名……我衷心祝福佢快d倒闭……

 

最后complain下欧洲disney………佢不愧系最失败嘅disney……成为典型嘅marketing失败案例……比较呃钱……起初我以为里面应该比较有气氛……mickey之类果d周街都系……入去之后就觉得系儿童公园……一街bb车……冇离气氛……真系晒气……客观讲……欢乐谷都好玩过佢……

 

翻到英国之后……随行嘅妇女就开始失控……因为系boxing day……各大名牌一率卜绳……except lv……于是……作为唯一嘅男丁……我再次沦为奴隶……好在我系理智型消费者……严格控制住我嘅bugdet……仲可以抽时间去sight seeing……真系唔话得……

 

讲住咁多先……lum到咩再补充……去相……